Акциите на „Apple“ паднаа за нешто повеќе од 2,5 проценти на крајот на вчерашното тргување.
Брокерите и трговците шпекулираат дека ова е резултат на приказните за слабата побарувачка за новиот „iPhone 8“.
„Apple“ не го соопшти точниот број на продадени телефони, но судејќи според изворите кои го следат овој сектор (снабдувачи, оператори, аналитичари, добавувачи) изгледа дека станува збор за лоша продажба, а лошите вести брзо се шират.
Шпекулации предизвика и веста во Економик Тајмс во која неименувани извори говорат за намалување на нарачките за „iPhone“ за дури 50 проценти.
