Невработеноста во Велика Британија останува на ниво од пред 42 години во трите месеци до крајот на август, објави „Блумберг“.
Уделот на невработените останува 4,3 отсто, под прагот од 4,5 отсто, што го гледа Централната банка на Англија (ВоЕ) како рамнотежа, што почнува да врши инфлациски притисок. Бројот на оние кои бараат работа се намалува 52.000 до 1.44 милиони Британци.
Вработеноста се зголемува за 94.000 на 32.1 милиони, или 75.1% од работното население.
Најновите податоци за пазарот на труд од Националната служба за статистика може да објаснат зошто „ВоЕ“ се чини дека се подготвува да ги зголеми каматните стапки за прв пат во една деценија.
Растот на платите останува непроменет, малку над 2%, што заостанува зад инфлацијата. Регулаторите сигнализираа дека повеќе немаат намера да чекаат зголемувањето на платите да се заголемат пред да почнат да ја заоструваат монетарната политика.
Во услови на затегнување на условите на пазарот на трудот, како и „Брегзит“, кој ќе ја ограничи имиграцијата, поттикнувањето на растот без создавање инфлација ќе бара значително зголемување на продуктивноста на трудот. И ова се смета за неверојатно со оглед на слабите резултати во последниве години и ефектот што „Брегзит“ ќе го има врз инвестицијата.
Притисокот за животниот стандард продолжува во текот на изминатите три месеци, при што реалните приходи се намалија шестти последователен месец. Ова може да биде аргумент против брзиот пораст на каматните стапки, рече „Блумберг“.
