SoPro, агенција за дигитален маркетинг со седиште во Обединетото Кралство, кoja веќе две години има подружница во Македонија, најавува дека во текот на следните месеци ќе инвестира дополнителни 4 милиони американски долари и ќе отвори можност за вработување уште 30 млади луѓе.
Со тоа компанијата ќе го зголеми бројот на вработени на шеесетина. Од компанијата велат дека се задоволни од поволната бизнис-клима во Македонија и поради зголемeниот број клиенти и работа, ќе се сели и во нови простории. Екипирањето со нов стручен кадар е резултат на зголемувањето на бројот на клиенти и работа и ќе се случува етапно во следните 12-18 месеци.
Според коосоновачот и сопственик на SoPro, Рајан Велманс, одлуката да инвестираат во Македонија се темели на позитивните искуства од досегашните активности постигнати преку подружниците во Велика Британија, САД, Африка, Европа и Индија и ја одразува довербата што SoPro ја ужива во регионот:
– Во Македонија наидовме на млад, енергичен и технички одлично поткован кадар. Скопје е прекрасен град со богатата култура, која во комбинација со европските вредности и сличната временска зона го прави уште поблизок со нас. Оваа инвестиција ги поддржува нашите амбициозни планови за развој и очекуваме континуиран успех во Македонија – вели Велманс.