По повод стогодишнината од постоењето на компанијата Астон Мартин тие го претставија својот нов концепт наречен „CC100“.
Концептот е направен во чест на „DBR1“ тркачот кој во 1959-та година триумфираше на трката 24 часа Ле Ман. Ставнува збор за класичен двосед со тркачка конфигурација и модерен Астон Мартин дизајн.
Каросеријата му е изработена од карбонски влакна, а го придвижува 6.0 литарски V12 мотор кој е поврзан со шестостепен автоматизиран рачен менувач. Од 0 до 100 km/h овој двосед забрзува за нешто повеќе од 4 секунди, а максималната брзина електронски му е ограничена на 290 km/h.
„CC100“ концептот е долг околу 4.5 метри и околу 2 метри е широк, додека тежината му изнесува околу 1.200 килограми. Тој е развиен и направен за помалку од шест месеци во седиштето на Астон Мартин кое се наоѓа во британскиот град Гејдон.
Засега е направен само еден примерок од овој концепт, а неговата цена се проценува дека ќе изнесува помеѓу 593.000 и 1.190.000 евра.