Вчера беше претставен телефонот на втората генерација на Пиксел (Pixel) кој има поголем и посветол дисплеј кој ја зазема поголемата површина на предниот дел на телефонот.
На овој начин, Google го следеше Apple кој ги корегираше промените на моделот iPhone X, што треба да се појави следниот месец.
И Pixel XL и петинчниот Pixel ќе бидат без приклучок за слушалки, како што направи Apple со минатогодишниот iPhone.
Гугл тврди дека камерата на Pixel е подобрена и ќе направи подобри фотографии од Ајфон.
Помалиот Pixel телефон ќе се продава за нешто под 650 долари, 50 долари помалку од iPhone 8. Pixel XL ќе чини скоро 850 долари, што е за 50 долари поскап од iPhone 8 Плус. Цената на iPhone X ќе стартува од 1.000 долари.
