Доаѓањето во ново деловно опкружување за младите вработени може да биде многу стресно. Новата работа е доволно голем залак сам по себе, а младите луѓе кои само што излегле од факултетот се во посебно деликатна ситуација.
Ви претставуваме неколку совети кои ќе ви помогнат да станете пооптимистични:
Годините се само бројка
Годините не ве дефинираат. Тоа што ги дефинира сите вработени е способноста и компетентноста. Не дозволувајте да ве почитуваат помалку само затоа што сте млади.
Мора да знаете колку вредите
Секоја работа е привремена и постојано е потребно да барате нови и подобри прилики, без оглед да станува збор за напредување или промена на работното место. Ако имате чувство дека компанијата во која работите вашата работа не ја цени доволно и дека сте ги исцрпиле сите можности за поправање на таа ситуација, побарајте работа каде што тоа нема да биде случај.
Вмрежување
Каде и да сте, поврзете се со колегите, надредените, експертите од индустријата во која работите. Изградете мрежа од контакти и одржувајте ги тие односи.
Бидете свои
Звучи патетично, зар не? Меѓутоа, најдобриот начин да успеете е да бидете она што навистина сте. Ако глумите нешто што не сте, долгорочно работите против себе.
Не се плашете од новите почетоци
Новиот почеток меѓу останатото означува и раст, односно факт дека се развивате како човечко суштество и професионалец. Најважно е да се движите напред.