Корисниците во еврозоната се најоптимистички настроени за перспективите, отколку кога било досега. Ова може да биде индикација дека економијата во регионот најверојатно ќе влезе во својата најсилна година по глобалната финансиска криза, пишува „MarketWatch“, осврнувајќи се на податоците на Европската комисија (ЕК) за довербата на потрошувачите.
ЕК објави дека индексот на доверба на потрошувачите се зголеми од -1,5 поени во август на -1,2 поени во септември. Ова е највисоко ниво на индексот од 2001-ва година.
Подобрувањето подразбира дека потрошувачите ќе продолжат да трошат послободно. Ова ќе обезбеди дополнителна поддршка за економското закрепнување, што е изненадувачки силно во текот на годината.
Зголемувањето на довербата веројатно го одразува стабилниот пад на невработеноста, како и првите знаци на пораст на платите. Податоците објавени минатата недела покажуваат дека платата во вториот квартал е за 2% повисока отколку во истиот период од претходната година. Ова е најголемото зголемување од првиот квартал на 2015-та година.
Зајакнувањето на потрошувачкото расположение, исто така, сугерира дека луѓето не се загрижени за знаците дека Европската централна банка се подготвува да стави крај на некои од стимулациите за економијата што се во тек од средината на 2014-та година.
