Тим од Министерството за финансии изработи „граѓански буџет“ за државниот буџет да биде подостапен и потранспарентен за граѓаните, во кој на едноставен начин се претставени клучните информации од буџетот на државата.
Од Министерството за финансии велат дека „граѓанскиот буџет“ не е замена за деталниот буџет на државата туку претставува приказ преку кој секој граѓанин во рок од пет минути може да ги дознае плановите за управување со јавните финансии.
– ‘Граѓанскиот буџет’ е една од алатките со кои Министерството за финансии ја отвора транспарентноста и отчетноста на јавните финансии. Ние сметаме дека целосниот увид на јавноста во тоа како се трошат парите на граѓаните е важен чекор напред во спречување на злоупотребите од страна на носителите на власта. Истовремено, нашата намера е преку зголемување на информираноста на јавноста да влијаеме на посилно вклучување на граѓаните во креирање на владините програми и политики – вели министерот за финансии, Драган Тевдовски.
Од Министерството велат дека следниот „граѓански буџет“ ќе се објави со предлог-буџетот за 2018 година и изработката на овој документ ќе стане пракса.
„Граѓанскиот буџет“ можете да го преземете на следниот линк.