Владата го стопира рекламирањето на комерцијалните радиодифузери и печатени медиуми, билборди, интернет-портали (со исклучок на социјалните медиуми) и комуникацијата со граѓаните ќе ја остварува преку јавниот радиодифузен сервис.
Притоа, на вчерашната седница Владата ги задолжи сите органи на државната управа, институциите што немаат статус на органи на државната управа и единиците на локалната самоуправа да престанат да емитуваат платени кампањи и спотови во комерцијалните телевизии и радија, дневни и неделни весници, на билборди и на интернет-портали.
