Кинеската компанија „Great Wall Motor“ наскоро ќе упати официјална понуда за преземање на компанијата „Fiat Chrysler“, односно, како што пренесува Ројтерс, „заинтересирана е за сите или за одделни сегменти од производство“ на седмиот по големина светски производител на автомобили.
Од друга страна. „Great Wall Motor“ е најголемиот светски производител на џипови и автомобили со погон на четири тркала, па познавачите претпоставуваат дека во фокус на преговорите на двете компании е брендот „Jeep“ во сопственост на „Fiat Chrysler“.
Вредноста на акциите на „Fiat Chrysler“ денес порасна за 3,5 проценти на миланската берза, а во целиот квартал скокна за речиси четвртина, со што целокупната вредност на компанијата е проценета на околу 19 милијарди долари. Сепак, аналитичарите од банката „Morgan Stanley“ сметаат дека само брендот „Jeep“ може да достигне вредност од околу 27 милијарди американски долари.