Со денови се премислувате во мислите, ги разгледувате опциите „за“ или „против“ и конечно треба да пресечете и да донесете важна одлука. Според научните истражувања и нивните докази навистина постои најдобро време кога треба да седнете и конечно да одлучите.
Без оглед дали сте утрински и ноќен тип на личност, аргентинските научници откриле дека навистина постои вистинско но и погрешно време за донесување на важни одлуки.
Со проучувањето на стотина најдобри онлајн играчи на шах, од кои секој одиграл најмалку 2.000 партии, истражувачите ја следеле точноста на проценување и донесување на одлуки на испитаниците кои учествувале во истражувањето. Шахистите биле категоризирани според полот, временската зона и тоа дали се утрински или ноќни типови на личности.
Почетната хипотеза била дека утринскиот тип најдобри резултати ќе покаже наутро, а ноќниот навечер. Меѓутоа, резултатите покажале дека индивидуалниот хронотип не влијае значајно на квалитетот на донесување на одлуките. Наместо тоа, квалитетот на донесување на одлуките зависел од времето во денот – сите играчи донесувале попромислени и поточни одлуки наутро!
Без оглед на хронотипот, полот и временската зона, најдоброто време од денот за одлуки е утрото, покажа истражувањето. До попладне способноста за донесување на одлуки бавно се намалувала, а до ноќта донесените одлуки веќе биле ризични и избрзани. Значи доколу навистина треба да донесете важна одлука, која бара вашата целосна концентрација, направете го тоа наутро.
Не случајно се вели: утрото е попаметно од ноќта!