Корисниците на „Google +“, „Drive“ и „Gmail“ сега на располагање ќе имаат дури 15 гигабајти простор за сите три услуги заедно. „Google“ се одлучи да го зголеми бесплатниот простор за складирање на податоците се со цел да им биде попрактично на корисниците на овие сервиси.
„Животот е полесен кога производите на „Google“ имаат толку голем простор за чување на информациите“, вели Клај Баво директор во „Google“ на одделението за развој на производите.
Заедничкиот простор им овозможува на корисниците своите 15GB да ги искористат како сакаат, па така на пример може сите да ги искористат само за „Gmail“, доколку другите сервиси не им се во употреба.
Досегашниот лимит на „Gmail“ изнесуваше 10 гигавајти и комбинирани 5 гигабајти за „Google+“ и „Google Drive“.
