Компанијата „Audi“ има намера да го намали бројот на компактни модели кои ги нуди во својата палета. Првиот автомобил кој ќе стане „жртва“ на претстојната реорганизација, е верзијата на „A3“ со 3 врати, тврди „Autocar“.
Намалувањето на моделите со помали димензии се наметнува поради намалувањето на трошоците предизвикани од плаќањата на надоместоците по „дизелгејт“. Засега од „Audi“ одбиваат да ја коментираат ситуацијата, како и плановите во однос на моделот.
Се тврди дека компанијата ќе го задржи хечбекот со 5 врати „A3 Sportback“ во својата палета. Веројатно ќе преживее и седанот, но моделот со три врати ќе го отстапи своето место на „лифтбекот“ со 5 врати, кој ќе излезе во 2018-та година. Две години подоцна треба да биде подготвена и следната генерација на моделот.
Во Инголштад сметаат дека освен намалувањето на трошоците, појавата на „лифтбек“ со 5 врати ќе ја пополни гамата на брендот со автомобил кој може да се натпреварува со новата генерација на „Mercedes-Benz A-Class“.