Американската компанија производител на машините „Caterpillar“ ги надмина очекувањата на „Wall Street“ за профитот и ја зголеми по втор пат прогнозата за годишната добивка. Факторот зад најдобрите резултати е подобрувањето на побарувачката во Кина и обновата во рударството, наведува „Ројтерс“.
Акциите на најголемиот производител на градежна опрема и опрема за рударската индустрија поскапеа за околу 5% на берзанската трговија.
Силните резултати на „Caterpillar“ нагласуваат превртување во нејзиниот главен бизнис, кој настрада поради ниските цени на суровините и забавувањето се пребарување во последните неколку години.
„Иако бројот на пазарите за крајните производи сеуште претставува предизвик, градежништвото во Кина и гасната индустрија во Северна Америка беа акцентите на овој квартал“, коментира Џим Умплемби, извршен директор на компанијата. „Рударството и активностите поврзани со нафтата забележаа значителен раст и гледаме подобрување на побарувачката за градежниот сектор во повеќето региони“, додава тој.
Продажбата на „Caterpillar“ расте со 9,6% до 11,33 милијарди долари и ги надминуваат просечните очекувања во студијата на „Thomson Reuters“ за 10,93 милијарди долари.
Продажбата во азиско-пацифичкиот регион – третиот по големина пазар за „Caterpillar“, бележи скок со 23% во вториот квартал, поддржан токму од зголемените продажби за градежна опрема во Кина.
Продажбата во Северна Америка – најголемиот пазар на компанијата, се зголемува со 7% во голема мера поради подобрената побарувачка од страна на рударството и енергетската индустрија.
Индустриските компании во САД се очекува да извлечат корист од про-бизнис предлозите на Доналд Трамп за инфраструктурни трошоци и даночни реформи. Политичкиот ќор-сокак во Вашингтон сепак ја одложува примената на овие планови.
„Caterpillar“ очекува профитот во 2017-та година да достигне околу 5 долари за акција. Во претходната прогноза компанијата очекуваше 3,75 долари за акција. Фирмата ги зголеми годишните очекувања за продажба од опсег 38-41 милијарди долари до 42-44 милијарди долари.
Нето добивката се зголемува за околу 46% до 802 милиони долари. Кога ќе се исклучат некои елементи, добивката по акција изнесува 1,49 долари, што е над очекувањата за 1,26 долари.