Медиумските компании „Discovery Communications“ и „Scripps Networks Interactive“ водат преговори за спојување, ревизија на зделката од која се откажаа пред три години, соопшти „Ројтерс“, повикувајќи се на два свои извори.
„Scripps“, чии канали ги вклучуваат „HGTV“, „Travel Channel“ и мнозинскиот удел во „Food Network“, бара купувач во момент во кој мрежата и другите помали медиумски компании се под притисок да се прошират за да ја зајакнат преговарачката моќ во разговорите со кабелските и сателитските компании.
„Viacom“ исто така води преговори за стекнување на „Scripps“, велат изворите.
Од „Discovery“, „Scripps“ и „Viacom“ одбиле да дадат коментар за овие гласини.
„Scripps“ одамна се смета за цел за стекнување, бидејќи семејниот фонд „Scripps“ кој го контролираше компанијата ја заврши активноста пред пет години.
Тоа е барем трет пат во кој „Discovery“, во чии акционери вклучен е кабелскиот магнат Џон Мелоун, води преговори за купување на „Scripps“, посочуваат изворите.
Договор меѓу „Discovery“ и „Scripps“ ќе создаде кабелска мрежа за 19 милијарди долари, специјализирана за програми без претходно сценарио.
Акциите на „Discovery Communications“ поскапеа за 9,8% до 28,61 долари, а на „Scripps Networks“ со 13,4% до 76,02 долари во трговијата по затворањето на пазарот во вторникот.
