Цената на барелот нафта на берзата во Лондон за испорака во август опадна вчера за повеќе од два проценти, на помалку од 46 долари, што е најниската цена од 29-ти ноември 2016 година, јавува ТАСС.
Цената на барелот во САД вчера беше најниска во последните седум месеци и достигна 44,2 долари. За падот на цената придонесува зголемувањето на производството во Америка во последните 22 недели, како и извештајот за отворањето на дополнителни нафтени бушотини минатата недела.
Презаситеноста на пазарите со нафта врши притисок на цените веќе три години. Членките на ОПЕК и Русија го намалија дневното производство во јануари, но на пазарите и понатака има премногу нафта, а складиштата ширум светот се преполни.