29 март, 2024
ПочетнаИНТЕРЕСНОМареј, Вавринка и Раониќ елиминирани на стартот на Квинс

Мареј, Вавринка и Раониќ елиминирани на стартот на Квинс

Турнирот во Квинс, кој традиционално се игра пред третиот гренд слем во сезоната Вимблдон, започна со сензационални резултати. Уште на стартот својот настап го завршија Енди Мареј, Стан Вавринка и Милош Раониќ.

Првиот светски тенисер, Мареј потврди дека се наоѓа во лоша форма, откако не успеа да го совлада квалификантот од Австралија Џордан Томпсон, кој како „Лаки Лузер“ по повредата на Аљаж Бедене доби можност да настапи на главниот турнир.

Томпсон до најголемата победа во кариерата дојде во два сета 7:6, 6:2.

Сензација приреди уште еден Австралиец, Танаси Кокинакис, кој го совлада специјалистот за игра на тревната подлога, Милош Раониќ. Кокинакис е 698 на АТП листата, а на турнирот влезе со специјална покана на организаторот.

Австралиецот против Раониќ победи по голема борба откако двата сета ги доби во тај брејк со 7:6.

Турнирот заврши и за финалистот од Ролан Гарос Стан Вавринка. Швајцарецот во два сета 6:7, 5:7 беше поразен од Шпанецот Фелисијано Лопез.

НАЈНОВИ ВЕСТИ

ХОРОСКОП