Американскиот производител на авиони „Boeing“ ја зголеми прогнозата за воздухопловниот пазар во наредните 20 години и веќе се очекува побарувачката да достигне 41.030 нови авиони во целиот свет до 2036-та година со вкупна пазарна вредност од 6,050 илјади милијарди долари.
Пред една година прогнозата беше за вкупно доставени во светот 39.620 авиони во текот на следните 20 години, забележуваат агенциите.
„Предвидуваме удвојување на флотите на авиони во светот до 2036-та година“, изјави на меѓународниот авиосаем во Бурџ, Ренди Тинсет, кој е заменик-директор на маркетинг на единицата за граѓански авиони на „Boeing“.
Прогнозата вклучува 5 проценти зголемување на испораките на авиони како оние од семејствата „Boeing 737“ и „Airbus А320“.
„Boeing“ очекува испораките на овие авиони за средни растојанија, кои се популарни меѓу нискотарифните компании да достигнат 29.530.
Лизинг компанијата „Aviation Capital Group“ објави дека направила нарачка за 20 од новите авиони на „Boeing 747 Мах 10“ во вкупна вредност од 2,5 милијарди долари по каталошки цени.
Прогнозата на „Boeing“ за изгледите на секторот во следните 20 години е блиска до очекувањата на „Airbus“. Европскиот производител на авиони прогнозира 35.000 продадени авиони во вредност од 5,3 илјади милијарди долари за разгледуваниот период.
