Македонскиот шампион Вардар го дозна името на тимот против кого ќе игра во второто квалификациско коло во Лигата на шампионите.
Денешната жрепка во Нион на Вардар му го додели тимот на Малме, 19-кратен шведски шампион и клуб во кој Златан Ибрахимовиќ ја почна својата професионална кариера.
Малме има искуство во Лигата на шампионите, во фазата по групи шведскиот првак играше во сезоната 2015/2016.
Вардар ќе гостува во првиот натпревар, на 11 или 12 јули, а реваншот во кој македонскиот шампион ќе биде домаќин ќе се одигра на 18 или 19.јули.