Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,302.00 0.01%    CEVI 964.00 2.89%    KMB 2,698.99 0%    KVAS 11,000.00 -1.79%    MPT 27,000.00 0%    RMDEN15 95.00 0%    RZUS 105.32 2.25%    STB 910.00 0%    STIL 129.00 0%    TEL 278.30 1.1%    UNI 1,900.00 0.01%    VITA 7,275.00 0%    

Изложбата „Дела на хартија“ на Петар Хаџи-Бошков во МСУ

Време: 12:58

Датум: јуни 19, 2017

Категорија: КУЛТУРА

Во Музејот на современата уметност во Скопје, утревечер ќе биде отворена ретроспективната изложба „Дела на хартија“ на еден од најзначајните македонски скулптори Петар Хаџи-Бошков (1928-2015, Скопје).

Изложбата „Дела на хартија“ за првпат го претставува творештвото на Хаџи-Бошков видено низ призмата на цртежот и графиката, како значаен дел од создавањето на неговиот скулпторски опус, но и како автономен дел во формирањето на неговите уметнички и авторски дострели. Хаџи-Бошков е исклучително плоден уметник кој во текот на педесет години од своето творештво има создадено околу 2.000 графики и цртежи, со кои се претставува редовно на своите самостојни изложби, но и на многубројни меѓународни изложби, а добитник е и на редица домашни и интернационални награди за графика. Овој дел од неговото творештво досега е поцелосно прикажан единствено во рамките на неговата прва ретроспективна изложба во Музејот на современата уметност во Скопје во 1989 година.

Изложбата „Дела на хартија“ вклучува голема селекција од над 300 графики, цртежи, графички мапи, скици, студии и колажи, од кои неколку значајни циклуси и проекти на уметникот ќе бидат изложени за првпат пред нашата јавност. Така на пример, на изложбата ќе може да се види последниот голем циклус на извонредно сугестивните монотипии и цртежи насловени „Психопејзажи“, работени помеѓу 1998 и 2004 година, како и скиците и подготовките за проектот „Крајот на векот“ за нереализираното учество на Биеналето во Венеција во 1999 година.

Но, освен нив ќе бидат поставени и повеќе неизложувани или за помладата публика непознати циклуси и поединечни дела. На изложбата е вклучен и помал избор на скулптури како референтни точки во релацијата со делата на хартија.

Насловот на изложбата „Дела на хартија“ го означува начинот и техниките кои Хаџи-Бошков ги применува во овој медиум, а кој покажува дека без оглед дали се работи за графичко дело или скица за разработка на некоја идеја, приодот на уметникот е како кон посебно и завршено уметничко дело.

Универзалните теми на човекот или фигурата, земјата или пејзажот и космосот или просторот, кои Хаџи-Бошков ликовно ги обработува во неговото импресивно скулпторско творештво главно со помош на ритамот на светлината и сенката, во делата на хартија имаат посебна снага и значење, не само поради мајсторството на уметникот во владеењето со цртежот и графичките техники, туку и поради спецификите на медиумот кои вклучуваат поголема наративност и симболичност во претставувањето.

Куратор на изложбата е Зоран Петровски. По повод изложбата ќе биде отпечатен и репрезентативен каталог со есеите на историчарите на уметноста Лилјана Неделковска и Лазо Плавевски, кои пишуваат за делото на Хаџи-Бошков Петар и неговото значење за модернизмот во македонската култура.

Изложбата ќе биде отворена до 01 август 2017 година.

КОМЕНТАРИ

НАЈНОВО ОД КАТЕГОРИЈАТА

  • Во „Кино Култура“ проекција на документарци посветени на човековите права

    Во „Кино Култура“ проекција на документарци посветени на човековите права

    Во „Кино Култура“ утре ќе бидат прикажани два од трите филма кои оваа година го чинат репертоарот на фестивалот што ги слави човековите права, Movies…

  • Промоција на книга од Боро Мокров по повод 100 години од раѓањето

    Промоција на книга од Боро Мокров по повод 100 години од раѓањето

    Издавачката куќа „Антолог“ ја најавува промоцијата на книгата „Ораторската вештина низ историјата“ од првиот новинар во Република Македонија, Боро Мокров. Промоцијата ќе се одржи на…

  • Избрани дела во десет книги од Стојан Андов

    Избрани дела во десет книги од Стојан Андов

    Во првата половина на календарската 2018 година „Матица македонска“ од Скопје ќе објави Избрани дела во десет книги од познатиот политичар, колумнист, публицист и писател…

  • „Холивуд репортер“ предлага англиски римејк на македонскиот филм „Исцелител“

    „Холивуд репортер“ предлага англиски римејк на македонскиот филм „Исцелител“

    Уште една фантастична рецензија за македонскиот филм „Исцелител“ на Ѓорче Ставрески пристигнува директно од домот на светската филмска индустрија, Холивуд, и од едно од најзначајните…

  • Изложба „Скици 2017“ од кумановски автори во Кавадарци

    Изложба „Скици 2017“ од кумановски автори во Кавадарци

    Во вторник, 12 декември, со почеток од 19 часот во галеријата при Домот на културата „Иван Мазов – Климе“ Кавадарци ќе биде отворена изложбата „Скици 2017“ на…

  • Македонскиот филм „Сведок“ во киното „Милениум“

    Македонскиот филм „Сведок“ во киното „Милениум“

    Македонскиот филм „Сведок“ во режија на Митко Панов почна со прикажување во киното „Милениум“. Филмот е херојска авантура на еден млад и амбициозен приправник во…

  • „Звукот на идната генерација“ – концерт на Македонската филхармонија и студентите по музика

    „Звукот на идната генерација“ – концерт на Македонската филхармонија и студентите по музика

    „Звукот на идната генерација“ е насловот на претстојниот концерт на Македонската филхармонија и студентите од државните факултети за музика, кој ќе се одржи овој четврток…

  • Хуманитарен новогодишен концерт „Узун“

    Хуманитарен новогодишен концерт „Узун“

    Традиционалниот новогодишен школски концерт на музичкото студио „Узун“, во соработка со Црвен крст на град Скопје, ќе се одржи утре, 9 декември, со почеток во…

  • Започнува клупската програма на „Десонанз 2017“

    Започнува клупската програма на „Десонанз 2017“

    Во соработка со фестивалот „Таксират“, вечерва започнува клупската програма на деветтото издание на музичкиот фестивал „Десонанз“. Во салата „25 Мај“ во МКЦ вечерва ќе настапи…

  • Поетите на ДПМ во чест на Блаже Конески

    Поетите на ДПМ во чест на Блаже Конески

    Поети од различни генерации, членови на Друштвото на писателите на Македонија, на 19 декември во 12 часот, ќе настапат на централната свеченост што Филолошкиот факултет…