Театар комедија освои две награди на регионалниот фестивал на комедијата во Сараево „Насмевка на Сараево“ со претставите „Име“ од Александар Дела Пателиер и Метју Делапорт во режија на Нени Делместре и „Трудна приказна“ од Благица Секулоска во режија на Лидија Дедовиќ .
Фестивалот е организиран за првпат од 12 до 20 мај и на него учестувале најдобрите театри од целиот регион.
„Со овие награди се потврдува квалитетот на Театар комедија со што тој се поставува на регионалното театарско небо како важен сегмент од театарското живеење во жанрот на комедијата“, рекоа од Театар комедија.
Освен на фестивалот во Сараево, Театар Комедија се претстави и на интернационалниот фестивал „Петар Кочиќ“ во Бања Лука, кој се одржува по 20-типат со претставата „Трудна приказна“ и наиде на одлични реакции од публиката.
