Одборот на директори на „Газпром“ му понудил на акционерите зголемување на дивидендите во износ од 1,9% по акција до вкупно 190,3 милијарди рубљи (3,3 милијарди долари), или 20% од добивката за меѓународни сметководствени стандарди.
Предлогот ќе биде разгледан за време на генералното собрание на акционерите, закажано за 30-ти јуни, соопштуваат од компанијата.
Врз основа на резултатите од активностите на „Газпром“ во 2016-та година дивидендите ќе бидат во износ од нешто над 8 илјади рубљи за акција.
Од „Газпром“ истакнуваат дека распределбата на профитот е врз на база на желбата да се зачува финансиската стабилност на компанијата, како и усогласување со интересите на акционерите.
На собранието на акционерите на 30-ти јуни ќе биде разгледан извештајот за активностите на „Газпром“ во 2016-та година. Ќе биде донесена одлука и за датумот на кој ќе бидат реализирани дивидендите.
Одборот на директори поднел предлог и за зголемување на платите на раководителите на компанијата. Од пораката не станува јасно во каква големина.
На крајот на 2016-та година руската верзија на „Forbes“ направи листа за најдобро платените руски менаџери. Од податоците се гледа дека во 2015-та година шефот на „Газпром“ Алексеј Милер заработил 17,7 милиони долари, што го прави најплатениот руски менаџер.