Владата во Чешка го одобри во понеделник планот за изградба на железничка мрежа за возови со големи брзини.
Мрежата ќе биде прилагодена на возови што се движат со брзини поголеми од 300 километри на час, како што веќе е во некои други европски земји, како Франција, рече министерот за сообраќај, Дан Ток.
Изградбата на новите пруги ќе чини околу 650 милијарди круни (27,6 милијарди долари) и ќе ја поврзува Чешка со соседните земји, посебно Германија.
Првата од планираните брзи пруги ќе ги поврзува Прага и Берлин, но властите не прецизираа кога би можеле да почнат работите.
Ток рече дека неговото министерство изготвува закон со кој ќе биде овозможено брзо стартување на работите.
