28 март, 2024
ПочетнаИНТЕРЕСНОПМФЛ: „Дебармаалци“ летово ќе играат во Европа

ПМФЛ: „Дебармаалци“ летово ќе играат во Европа

На два кола до крајот на сезоната во домашниот фудбалски шампионат решена е уште една дилема. Работнички со ремито 2:2 во Тетово против Шкендија обезбеди место во квалификациите во Лига Европа.

Вардар е старо новиот шампион и „црвено-црните“ ќе играат во квалификациите за Лигата на шампионите, додека квалификации за Лига Европа ќе играат Шкендија, Работнички и освојувачот на Купот Пелистер. Од лигата испаднаа Брегалница и Македонија ЃП.

Инаку во ова коло се истакна напаѓачот на Пелистер Баже Илијоски, кој во ремито против Силекс 3:3, постигна еден гол и стана најдобриот стрелец во историјата на македонската прва лига.

Илијоски во кариерата има постигнато 126 голови во Првата лига, еден повеќе од поранешниот репрезентативец Зоран Бошковски.

Резултати, 34.коло:

Вардар-Ренова 2:0
Силекс-Пелистер 3:3
Шкендија-Работнички 2:2
Шкупи-Брегалница 3:0
Победа-Македонија ЃП 4:2

Табела, 34.коло: 1. Вардар 79, 2. Шкендија 66, 3. Работнички 54, 4. Пелистер 52, 5.Ренова 48, 6. Силекс 43, 7. Победа 38, 8. Шкупи 36, 9. Брегалница 21, 10. Македонија ЃП 19.

НАЈНОВИ ВЕСТИ

ХОРОСКОП