Профитот и продажбата на „Ralph Lauren“ за кварталот ги надмина оценките на аналитичарите, откако производителот на луксузни стоки ги ограничи отстапките по производи и ги намали резервите на достапност, со цел да го зголеми профитот, соопштува „Ројтерс“.
Акциите на компанијата поскапеа за 3% до 75 долари пред отворањето на берзата во Њујорк.
„Ralph Lauren“, слично и на другите синџири за облека, доживува тешкотии со зголемувањето на продажбата поради доцнењето на трошоците за облека и додатоци. Профитот на компанијата беше погоден и поради сé посилната конкуренција.
Во обид да го реструктуира бизнисот, компанијата избра нов извршен директор во средата. Освен тоа таа ги намалува промоциите и се обидува да продава поскапи производи, како и да ги намали производните трошоци.
Бруто маржата на приспособената база на „Ralph Lauren“ се зголемила за 90 базични поени до 55,4% во кварталот до 1-ви април.
Компанијата забележа нето загуба од 204 милиони долари, или 2,48 долари по акција, во четвртото тримесечје до 1-ви април, што вклучува отпишување за над 300 милиони долари поради преструктуирање и исплата на надомест.
Година порано „Ralph Lauren“ постигна нето добивка од 41,3 милиони долари, или 49 центи по акција.
Без еднократните ефекти „Ralph Lauren“ забележа профит од 89 центи по акција, што е доста над средната прогноза на аналитичарите за 11 центи, посочува „Thomson Reuters I/B/E/S“.
Приходите се намалија со 16,3% до 1,57 милијарди долари во четвртиот квартал, што речиси се совпаѓа со средната оценка на аналитичарите за 1,56 милијарди долари.
„Ralph Lauren“ објави дека очекува нето приходите за тековниот квартал да се намалат со двоцифрен процентен поен во долниот опсег.
Во четвртиот квартал компанијата одбележува 12-процентно намалување на споредливата продажба спрема просечната прогноза на аналитичарите за намалување од 6,5%, наведува консултантската компанија „Consensus Metrix“.
