Вашите мисли се највредното богатство кое го имате. Можeте да имате скапоцени автомобили, најнови машини, најмодерни алати, но она што претставува највредно богатство се вашите мисли. Тие одредуваат во која насока ќе се движи вашата работа и на кој начин ќе ја обликувате.
Сите материјални работи можете да ги загубите уште утре или да пропаднат на пазарот, но ако имате позитивен став и одлучност да продолжите понатаму, тогаш нема грижа за вас. За тоа се заслужни вашите мисли и тие се двигател за се, тие се вашата вера и надеж дека можете да успеете иако сте паднале. Со нивна помош знаете колку вредите и дека евентуалниот неуспех во работата бил добро школо за понатака.
Мислите можат да ви бидат и негативни и тогаш не ви се највредното богатство, тогаш е подобро таквите мисли што поскоро да ги отфрлите. Позитивата, оптимизмот, вербата во себе, одлучноста, самопочитувањето, дрскоста, инаетот … сето тоа ве принудува да се движите од почеток и да го заборавите она што било лошо и неефикасно. За вашите мисли да бидат јасни и позитивни, морате многу да работите на себе.
Опкружете се со луѓе кои се активни, кои не хејтаат се и сешто, кои се амбициозни и упорни. Читајте ги биографиите на успешните луѓе, пробајте да пронајдете мотивација во цитатите и изреките кои ќе ги всадите во вашата свест.
