Уште две основни училишта, Димо Хаџи Димов и Војдан Чернодрински добија донација, едукативен сообраќаен полигон, од компанијата ОКТА.
На овие полигони најмладите учесници во сообраќајот ќе се запознаваат со основните сообраќајни правила и прописи и ќе учат како безбедно да се движат по сообраќајниците.
Донацијата е дел од кампањата „Јас внимавам“ и во склоп на истата беше изведена и театарска претстава, а децата добија и боенки на истата тема.
Кампањата „Јас внимавам“ продолжува со своите активности за поголема безбедност во сообраќајот. Кај возрасните ја буди свеста за потребата од поголемо внимание и почитување на сообраќајните правила и прописи, а најмладите ги едуцира преку едукативни полигони, боенки и театарска претстава.
