Иако во 2016-та се појави вест дека поради намалената побарувачка за луксузни каравани, „Jaguar“ ќе се откаже од производство на овие возила, во текот на летото од оваа компанија најавуваат премиера на новата верзија на моделот „XF Sportbrake“.
Новиот „Jaguar XF“ караван ќе ја дели истата алуминиумска механичка платформа и моторите од лимузината, што значи дека ќе биде полесен од претходникот.
За потсетување, седанот „XF“ има 3.0-литарски V6 бензински мотор со компресор кој произведува 380 ks (279 kW) и 450 Nm максимален вртежен момент. Се верува дека во „XF Sportbrake“ ќе биде вграден и новиот 2.0-литарски бензинец од семејството „Ingenium“ мотори на „Jaguar“.
Од друга страна, основниот дизел е 2.0-литарски турбо мотор со 163 ks (120 kW) и 380 Nm, a на оние кои им е оваа моќност мала на располагање има и верзија со 180 ks (132 kW) и 430 Nm. Најмоќната дизел верзија под хаубата има 3.0-литарски „twin-turbo“ V6 кој развива 300 ks (220 kW) и дури 700 Nm.
Кога во текот на 2017-та ќе се појави на пазарот, новиот „XF“ караван ќе се „бори“ за привлекување на купувачи заедно со премиум моделите, како што се „Mercedes E Сlasѕ Estate“, „BMW Serieѕ 5 Touring“ и „Volvo V90“.
