Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,926.24 0.48%    GRNT 818.00 0.99%    KMB 3,350.61 -0.14%    PPIV 39,900.00 2.05%    RMDEN15 95.00 -0.11%    RMDEN16 95.00 0%    STBP 650.00 8.33%    STIL 140.00 0%    TEL 295.00 -0.18%    TNB 14,052.14 2.39%    TPLF 1,712.35 0.69%    UNI 2,050.00 0%    VITA 7,790.00 0%    

Интервју со Миле Бошков, Претседател на Бизнис Конфедерација на Македонија

Време: 12:20

Датум: април 24, 2017

Категорија: ИНТЕРВЈУ

Бизнис Конфедерација на Македонија со нови препораки за бизнис климата во земјата

Денар:Бизнис Конфедерација на Македонија 15 години ја артикулира бизнис климата во земјава, што точно значи тоа и на што најмногу се фокусирате?

Нашето приоритетно делување и главен фокус се однесува на подобрување на целосната социо – економска состојба во земјата. Целта ни е да влијаеме на позитивна промена на социјалните и економските показатели, на нивниот раст секој засебно како и на целокупниот ефект врз состојбите и со самото тоа да придонесеме и да ја направиме Македонија подобро место за живеење.

Денар:На кој начин ја поттикнувате работата на малите и средните компании?

Преку советување, толкување на законите, низ пренесување на добри практики од странство, бидејќи сме вклучени како членови во бројни меѓународни организации за унапредување на управување со бизнис, конкурентност и продуктивност. Со индивидуално советување, лобирање за заедничките, но и поединечните интереси на малите и средните компании, застапување на интересите по сектори пред институциите ја подобруваме нивната позиција и со тоа го поттикнуваме нивниот раст и развој. Ги поврзуваме во мултифункционална мрежа на повеќеслојни деловни релации и со тоа придонесуваме за создавање на поцврста пазарна позиција.

Денар:Каков и колкав е бенефитот што една компанија може да го има од членување во БКМ?

Најголемата корист и придобивка за една компанија, наш член е креирањето деловна политика во нивно име. Попрецизно тоа значи, она што компаниите имаат желба да го постигнат, да го остварат како деловна цел или она што им претставува некаква пречка во нивниот просперитет, ние како одговорност и ризик го преземаме, со цел да ја застапуваме и да ги премостиме тие пречки за нивна корист. Следно што компаниите добиваат од нашата поддршка е вмрежувањето. На овој начин се пренесуваат стандарди, знаење и практики од меѓународните бизнис практики. Не помалку важно е промовирањето пред меѓународната – светска и Европска бизнис асоцијација и директното вклучување во најголемата глобална мрежа на работодавачите, којашто спојува 150 организации на работодавачи, членови на  Меѓународната организација на работодавачи (The International Organisation of Employers- IOE).

Денар:Со какви проблеми се соочуваат бизнисите во Македонија?

Неодамна направивме една кампања низ цела Македонија, со која што опфативме околу 15 градови и во текот на истата имавме средби точно со менаџерите и сопствениците на малите и средните компании. На овие средби, беше зборувано за платформа од предлог политики и стратегии базирани на најпроблематичните точки во работата на деловните субјекти.  Како едни од главните проблеми за време на нашата кампања најмногу се зборуваше за можностите за пристап до финансии, честото менување на законите, присутната корупција и потребата од владеење на правото во насока на овозможување на правна и регулаторна средина и претприемачка култура. Наше издоено мислење генерално за состојбата во бизнисите во Македонија е врзано со претприемачка култура, односно самото знаење да се води бизнис и да се биде усогласен според законите и стандардите во земјата.

Денар:Каква е оценката за бизнис климата во Македонија?

Покрај предизвиците со кои се соочуваме од аспект на политичка нестабилност и тоа не само во последно време, туку генерално, како и недоволната способност за водење бизнис и почитување на кодексот на претприемачка култура, сепак уште многу треба да се работи. Затоа што секогаш може да биде подобра и сите би можеле да ја оцениме како добра и поволна за водење бизнис доколку суштински и објективно учествуваме во креирањето на политиките и стратегии за водење бизнис.

Денар:Покрај политичката нестабилност, што друго влијае врз доброто функционирање на компаниите?

Потребно е да создадеме позитивно и функционално деловно окружување и тоа токму со политиките кои се базираат на основните принципи и потреби за спроведување на добра деловност. Во наведените предлог политики претендираме кон бескомпромисно и строго почитување на правната регулатива и регулаторна средина, создавање на средина каде се почитува моќта на владеење на правото, да се овозможи рамноправен за сите пристап до финансии, да ја заштитиме лојална конкуренција и да се обучиме во духот на претприемачката култура. Доколку ги исполниме сите овие услови ќе создадеме услови за добро функционирање на компаниите.

Денар:Колку БКМ може и придонесува во подобрување на бизнис окружувањето?

Mногу може и тоа и го правиме. Преку застапеноста во разните владини комисии како и односите што ги имаме воспоставено со Владата, синдикатите и други државни органи. Ги артикулираме интересите и секторските проблеми преку секторските здруженија. Ги поврзуваме со национални и меѓународни институции и организации, ние директно и индиректно ја менуваме и подобруваме бизнис климата во државата.

КОМЕНТАРИ

НАЈНОВО ОД КАТЕГОРИЈАТА

  • Интервју со Миро Крстевски, заменик директор во Пункт Мебел

    Интервју со Миро Крстевски, заменик директор во Пункт Мебел

    Денар: Високиот квалитет, модерниот дизајн, удобноста и трајноста се синоними кога станува збор за Пункт Мебел? Колку време ви требаше за да дојдете до таа…

  • Интервју со Мери Каровска, сопственик на Каровска ДООЕЛ

    Интервју со Мери Каровска, сопственик на Каровска ДООЕЛ

    Денар: г-ѓа Каровска, која е основата дејност на  Каровска ДООЕЛ, кои услуги ги нудите? -Каровска ДООЕЛ е Друштво за економско сметководствени услуги и даночно советување…

  • Интервју со Предраг Милошевски, член на управниот одбор на КБ Прво пензиско друштво АД Скопје

    Интервју со Предраг Милошевски, член на управниот одбор на КБ Прво пензиско друштво АД Скопје

    Помладите со мал износ можат да заштедат значајна сума за нивните пензионерски денови “Финансиската култура и планирањето на финансиите на нашите граѓани сѐ уште не…

  • Интервју со Соња Шмуц, генерален менаџер на Словенечката стопанска и индустриска комора

    Интервју со Соња Шмуц, генерален менаџер на Словенечката стопанска и индустриска комора

    “Единствените граници со кои треба да се справиме се оние во нашиот ум!” Денар:Ве молиме кажете ни нешто за себе и за почетоците на вашата…

  • Интервју со Радмила Чобанова Василевска, Директор за контрола на квалитет во Битолска Млекара

    Интервју со Радмила Чобанова Василевска, Директор за контрола на квалитет во Битолска Млекара

    Денар: Поводот за ова интервју е Меѓународниот ден на квалитет, кој секоја година се одбележува во месец ноември. Во оваа насока, што сѐ презема Битолска…

  • Интервју со г. Мурат Јуксел, кантри маркетинг директор на Рамсторе Македонија

    Интервју со г. Мурат Јуксел, кантри маркетинг директор на Рамсторе Македонија

    Секогаш се трудиме да ги надминеме потребите и очекувањата на нашите потрошувачи! Денар: Зошто Рамсторе е прв избор на потрошувачите? За време на нашето дванаесетгодишно…

  • Интервју со Димитар Богов – гувернер на Народната банка на Република Македонија

    Интервју со Димитар Богов – гувернер на Народната банка на Република Македонија

    Денар: Како ја оценувате макроекономската состојба во Македонија? Макроекономската состојба во Македонија во првата половина на 2017-та година во голема мера беше под влијание на политичката…

  • Интервју со Коста Костадиновски, извршен директор на Илирика

    Интервју со Коста Костадиновски, извршен директор на Илирика

    Илирика како врвна финансиска институција нуди високо ниво на инвестициски услуги кои покрај разните предизвици секогаш е доследна во своите стратегии кои резултираат со долгорочни…

  • Интервју со Олга Дервенџи – Менаџер за лизинг на Skopje City Mall

    Интервју со Олга Дервенџи – Менаџер за лизинг на Skopje City Mall

    Денар: Skopje City Mall е нашиот најголем трговски центар, чија работа и функционирање мора постојано да ја следите. Како се справувате со оваа задача, односно…

  • Интервју со Дарко Панчевски – претставник од маркетинг секторот на Skopje City Mall

    Интервју со Дарко Панчевски – претставник од маркетинг секторот на Skopje City Mall

    Денар: Овој месец Skopje City Mall слави 5 години постоење и за овие неколку години успеа да се позиционира како лидер на пазарот. Што е…