Само 15 јагоди на ден би можеле да ве заштитат од рак на дојка, тврдат експертите.
Научниците спроведоа истражување на лабараториски глувци, а се испоставило дека јагодите не само што спречуваат ширење на ракот, туку и туморот кај некои глувци бил намален.
„Забележавме значително намалување на големината и тежината на туморите“, вели научникот Маурицио Батино од Политехничкиот Универзитет во Италија.
За да ја изработат оваа студија, научниците најпрвин во глувците вметнувале канцерогени клетки, а потоа ги хранеле со јагоди, а подоцна се испоставило дека ова овошје го блокира напредокот на ракот.
Експертите објаснуваат дека јагодите ја намалуваат активноста на генот кој има важна улога во метастазирањето на канцерот, а ја зголемуваат активноста на гените кои спречуваат ширење на ракот на дојка.
Сепак, тие нагласија дека се потребни уште студии за да се утврди дали ефектот ќе биде ист и кај луѓето.
Претходно студиите покажаа дека со внесувањето на меѓу 10 и 15 јагоди дневно се прочистуваат артериите и се намалува нивото на холестерол.
