Ноќта сабота кон недела започнува летното смeтање на времето, со што стрелките на часовникот треба да се поместат еден час понапред, па така во 02 часот по полноќ кон недела, ќе биде 03 часот.
Преминувањето од зимско на летно сметање на времето е воведено со образложение дека се овозможува заштеда на електрична енергија, се зголемува продуктивноста на работната сила, се подобрува прилагодувањето на луѓето и работниот ден станува поефикасен.
Летното сметање на времето завршува во последната недела во октомври кога во три часот наутро стрелките на часовникот ќе се поместат за еден час наназад.
