Во оваа година не очекуваат наскоро добри, отколку лоши вести за економскиот раст на светските економии, а најсилна ќе биде обновата во неколку од големите латиноамерикански економии, соопштува „Bloomberg“, повикувајќи се на свое истражување.
Очекувањата се 62 економии да постигнат подобрување во економиите во споредба со минатата година, додека кај 33 други може да бидеме сведоци на влошување на економските показатели.
На врвот на листата со најдобри изгледи се Аргентина и Бразил, при што се очекува намалувањето на економијата да запре и да се претвори во раст. Позитивни се прогнозите и за Нигерија и Русија, чии економии се потпираат на извозот на енергија и имаат корист од цената на нафтата која се помести од 13-годишното дно во јануари 2016-та година.
Иако Венецуела е на прво место по очекуван економски напредок, со подобрување од 7,5 процентни поени во оваа година во однос на претходната, земјата сé уште се соочува со длабока економска криза, висока инфлација и недостиг на храна и други стоки.
Растот во Бразил се забрзува, а земјата се опоравува од најтешката си рецесија од еден век. Обележан со еден од најголемите скандали во историјата, кој доведе до импичмент на претседателот, сега Бразил искористи од зголемените цени на суровините. Претседателот Мишел Темер се обидува да ги заздрави своите финансии на земјата и да ја стимулира активноста на приватниот сектор.
Слична динамика се забележува и кај Аргентина, каде растот се очекува да се забрза со над 5 процентни поени во оваа година, но најверојатно ќе биде проследено со висока инфлација.
Некои земји немаат прилики за прослава. Во Исланд растот се очекува да се забави до 4 проценти во 2017-та година од 7,1% во минатата година. Слична е сликата во Романија, ударот од невработеноста во Шпанија и една од целите на американскиот претседател Доналд Трамп – Месико.
Во САД се очекува поттикот на растот во оваа година да е до 2,3%, додека новите пазарни гиганти Кина и Индија ќе продолжат да предизвикуваат завист со раст од 6,5% или повеќе, иако и кај двете се очекува незначително забавување во однос на 2016-та година.
Ѕвездата на растот меѓу европските економии е Франција, чии избори во 2017-та година ќе се следат внимателно како клучен момент за Европската унија и еврозоната.
