Технолошките концерни „Facebook“ и „Google“ ќе ја продолжат својата доминација на глобалниот дигитален рекламен пазар и оваа година, покажуваат новите податоци.
Прогнозата на компанијата за пазарни истражувања „Emarketer“ покажува дека „Google“ најверојатно ќе генерира 72,69 милијарди долари од приходите од рекламни во 2017-та година, додека „Facebook“ ќе генерира 33,76 милијарди долари. Заедно износот е еднаков на 106 милијарди долари и ќе изнесува 46,4% од вкупните глобални дигитални трошоци за реклама.
Шелин Шум, виш аналитичар на „Emarketer“, додава дека тоа е доминација на мобилната и видео реклама.
„Во оваа година „Facebook“ и „Google“ уште еднаш ќе се светски лидери во дигиталната реклама, што е речиси половина од парите дадени на глобално ниво за дигитална реклама“, рече таа во изјава за „CNBC“.
Доминацијата на „Facebook“ и „Google“ во поглед на мобилната реклама останува недопрена, бидејќи компаниите произведуваат повеќе од половина од приходите од мобилна реклама во предвидениот период.
Податоците доаѓаат во позадина на сериозната полемика за „Google“, која се извини на своите клиенти кои се рекламираат за тоа дека нивните реклами се појавуваат до екстремистичка содржина на „YouTube“, додека „Facebook“ мора да се справи со лажните вести.
Трошоците за реклами во дигитални формати ќе се зголемат во светот со 17,4% до 583,91 милијарди долари, што претставува 38,3 отсто од вкупниот буџет за рекламирање, се наведува во извештајот.
Се очекува „Snapchat“ да генерира многу повеќе пари од реклами во оваа година, па приходите од ова ќе достигнат 900 милиони долари – раст од 163,3%, прогнозира „Emarketer“.
Кинеските компании „Alibaba“, „Baidu“ и „Tencent“ колективно ќе генерираат приходи во износ од 35,8 милијарди долари од реклами во оваа година на позадината на фактот дека вредноста на брендот „Tencent“ надмина 100 милијарди долари, според извештајот „WPP“ на „BrandZ“ од оваа недела.
„Во многу блиска иднина единствените други потенцијални конкуренти на „Facebook“ и „Google“ се најголемите 3 кинески компании – „Baidu“, „Alibaba“ и „Tencent“ (BAT), кои се на сртот на бранот од зголемувањето на еднократните приходи на Кинезите и сè повисоките технички знаења на населението во Кина. Се очекува „BAT“ да земе стабилен раст на дигитални и мобилни рекламните приходи“, додава Шум.
