Добивањето на нова работа или враќањето на работното место по долг временски период може да биде прилично тешко. Честопати луѓето поради возбуденоста предизвикана од враќањето на работа го губат чувството за дополнителна лична и емотивна енергија потребна за таква транзиција.
Поминатото време во домот дозволува флексибилна распределба на времето, бидејќи секој го работи тоа што го сака и кога сака. Таквиот животен стил не функционира кога секое утро треба да се појавите на работа. Затоа е многу важно луѓето да се навикнат на обврските кон работата уште во првите неколку недели.
Колку побрзо научите што е дозволено и пожелно во новата фирма, толку побрзо ќе можете и самите да допринесувате. Вашите работни напори треба да ги доближите што поблиску до нивните, со цел да покажете дека се обидувате успешно да се вклопите во целокупната организација.
Во повеќето компании, сите работници имаат пробен период од три месеци. Зависно од тоа колку добро ќе работите во тој временски период, ќе ја покажете вашата работоспособност на работодавачот. Токму затоа е важно да го истражите пазарот и да научите што повеќе за трендовите и технологијата.
Претставете се на новите колеги и создадете разни партнерства и пријателства. Тоа многу полесно ќе влијае на вашата животна промена, но исто така и ќе ви овозможи да создадете мрежа на познаници со кои полесно ќе најдете ново вработување и кои навреме ќе ве предупредат на различните промени кои секојдневно се случуваат на работното место.
