Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,650.00 0.02%    BESK 9,991.00 -3%    GRNT 824.02 0.32%    KMB 3,152.12 0.17%    MTUR 4,250.00 1.19%    OHB 5,200.00 4%    OKTA 3,111.00 -8.96%    RMDEN16 94.40 0%    RZUS 113.00 9.51%    SLAV 6,100.00 95.89%    STB 960.00 1.65%    STIL 151.56 0.58%    TIKV 153.00 -2.55%    TKVS 3,202.00 1.72%    TNB 13,228.04 0.22%    TTK 951.17 1.04%    UNI 2,000.00 0.03%    ZPKO 2,710.00 4.23%    

Со читање на приказните од едицијата „Бајки од Македонија“ одбележан Светскиот ден на раскажувањето

Време: 15:11

Датум: март 20, 2017

Категорија: КУЛТУРА

Светскиот ден на раскажување приказни се одбележа со читање на приказните од едицијата „Бајки од Македонија“ пред првачињата од основното училиште „Коле Неделковски“ во градската библиотека „Браќа Миладиновци.

Наратори на приказните од македонското народно творештво беа младите актери Теоман Максут и Миа Кантарџиева, кои на уметнички начин, со фолклорни елементи, им ги доближија македонските народни приказни на најмладите.

„Со овој настан наша цел е кај најмладите да ја поттикнеме навиката за читање и да ја разбудиме нивната фантазија, како основа за правилен мислечки и креативен процес. Читањето приказни во детството во голема мера придонесува за зголемување на интересот за читање книги и во детската возраст, но и подоцна во животот“, истакна Жаклина Угриновска, раководител во градската библиотека „Браќа Миладиновци“ од Скопје.

Едицијата „Бајки од Македонија“ е проект реализиран од Движењето за поддршка на креативноста „Иво Лауренчиќ – „Браво сине“ во соработка со издавачката куќа „Арс Ламина“. Еден од главните приоритети на Движењето за поддршка на креативноста Иво Лауренчиќ – „Браво сине“ е да создава нови модерни производи инспирирани од македонската традиција, а во нивната креативна изработка да им даде шанса на млади талентирани луѓе од Македонија, како што беше случај и со оваа едиција. Илустрациите на приказните во едицијата „Бајки од Македонија“ ги изработи младата дизајнерка Катерина Николовска, која беше избрана на јавен конкурс.

„Традицијата што ја поседува Македонија во различни сегменти е огромен извор на идеи. Дел од нив се по малку заборавени или не се атрактивни за современиот човек. Но, наша цел е од овие идеи да создадеме нов модерен производ со современ печат, а во процесот на нивно креирање да им дадеме можност на младите талентирани луѓе. Едицијата ’Бајки од Македонија‘ многу скоро по своето излегување беше одлично прифатена од сите генерации, а што е најважно, овој проект помогна во создавањето на читачки навики кај најмладите, за што многу придонесе и современиот дизајн“, истакна Ангелка Пеева Лауренчиќ, член на Управниот одбор на Движењето за поддршка на креативноста Иво Лауренчиќ – „Браво сине“.

Едицијата „Бајки од Македонија“ е составена од четирите бајки – „Вејко Северко“, „Двата цара“, „Момчето што се скри во златното јаболко“ и „Девојчето и 12-те месеци“ и претставува модернизирана и адаптирана форма на приказни од македонското народно творештво собрани од Марко Цепенков и од Танас Вражиновски. Во изборот на бајките учествуваше и Институтот за фолклор „Марко Цепенков“ при Универзитетот „Свети Кирил и Методиј“ од Скопје.

За да го дадат свој придонес кон збогатување на книжевниот фонд во библиотеките и да ги направат достапни за поголем број читатели, приказните од едицијата „Бајки од Македонија“, Движењето за поддршка на креативноста Иво Лауренчиќ – „Браво сине“ и издавачката куќа „Арс Ламина“, во чиешто издание е едицијата, на градските библиотеки во Македонија им донираа 40 комплети.

„Детската литература е еден од нашите фундаменти на којшто сериозно му е посветен цел тим професионалци од различни области. Создавање на нова читачка публика е многу важно за нас, но истовремено читањето и желбата за нови знаења е важно и за општеството како целина, бидејќи така се создава основа за иден развој на сите полиња. Едицијата ’Бајки од Македонија‘ е токму одраз на овие наши заложби. Оваа едиција е една од најбараните во нашите продажни места, а доживеа и неколку реизданија за краток временски период, што е вистински показател за огромната прифатеност од читателската публика“, истакна Бранка Бугариска, раководител на издаваштво во „Арс Ламина“.

Едицијата „Бајки од Македонија“ беше претставена на еден од најголемите светски саеми на книгата, на Саемот во Франкфурт, со превод на англиски јазик, со што станува достапна за широката читателска публика на светскиот пазар.

КОМЕНТАРИ

НАЈНОВО ОД КАТЕГОРИЈАТА

  • Дваесет и осум книги во трка за „Роман на годината“

    Дваесет и осум книги во трка за „Роман на годината“

    Дваесет и осум книги ќе учествуваат во изборот на „Роман на годината“ за 2017 година. Тие се пријавени на конкурсот што траеше од 15 декември…

  • За најдобар фестивал во Европа е прогласен „Егзит“

    За најдобар фестивал во Европа е прогласен „Егзит“

    Новосадскиот фестивал „Егзит“ е прогласен за најдобар фестивал во Европа во 2017 година. Ова беше објавено вчеравечер на доделувањето на Европските фестивалски награди во Холандија.…

  • Ирански филмови во Кинотека

    Ирански филмови во Кинотека

    Филмски циклус посветен на современиот Ирански филм ќе се одржи од 22 до 27 јануари, во Кинотеката на Македонија. Иранската кинематографија е една од најистакнатите…

  • Бесплатен филмски маратон во кино „Милениум“

    Бесплатен филмски маратон во кино „Милениум“

    Во рамките на традиционалниот мултимедијален настан „Роденден“, кој секоја година се одржува во организација на Младинскиот културен центар, кино „Милениум“ утре на своите посетители ќе…

  • Кинески класичен танц во Велешкиот театар

    Кинески класичен танц во Велешкиот театар

    Во понеделник, 22 јануари, на големата сцена на театарот „Јордан Х.К-Џинот“ во Велес со почеток во 20 часот ќе гостува танцовата претстава „ФЕН МО“ на…

  • Вечер со поезијата на Павлина Климкар Меанџиева во Велешкиот театар

    Вечер со поезијата на Павлина Климкар Меанџиева во Велешкиот театар

    Во вторник, 23 јануари, во фоајето на театарот „Јордан Х.К-Џинот“ во Велес со почеток во 20 часот ќе се одржи вечер со поезијата на Павлина…

  • „Ромео и Јулија“ на Пројковски прогласена за најдобра театарска претстава во Труција за минатата година

    „Ромео и Јулија“ на Пројковски прогласена за најдобра театарска претстава во Труција за минатата година

    Театарската претстава „Ромео и Јулија“ во продукција на Националниот театар од Истанбул, а во режија на Дејан Пројковски е прогласена за најдобра претстава за 2017…

  • „Само сенка на она што доаѓа“ – самостојна изложба на Тони Попов

    „Само сенка на она што доаѓа“ – самостојна изложба на Тони Попов

    На 17 јануари од 20 часот во Јавна соба ќе се одржи втората самостојна изложба на Тони Попов, со наслов „Само сенка на она што…

  • Филмот „Исцелител“ ќе се прикажува на најголемиот филмски фестивал во Норвешка

    Филмот „Исцелител“ ќе се прикажува на најголемиот филмски фестивал во Норвешка

    Филмот „Исцелител“ на режисерот Ѓорче Ставрески ќе се прикажува на најголемиот интернационален филмски фестивал во Норвешка – Тромсо. Премиерата ќе се одржи на 16 јануари,…

  • „Чудото од дете“, Даниел Харитонов, на заеднички концерт со Македонската филхармонија

    „Чудото од дете“, Даниел Харитонов, на заеднички концерт со Македонската филхармонија

    Македонската филхармонија првиот симфониски концерт во новата 2018 година ќе го одржи на 18 јануари, четврток, со почеток во 20 часот, под наслов „Лауреати“. Заедно…