Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

GRNT 792.96 -2.5%    KMB 2,700.48 -0.87%    OKTA 4,100.00 0.6%    STB 910.00 -2.44%    STIL 136.00 -2.76%    TETE 1,927.00 9.71%    TPLF 1,794.00 -2.97%    UNI 2,206.50 5.07%    

Oд октомври Eurowings ќе почне со летови од Скопје до Минхен

Време: 14:33

Датум: март 17, 2017

Категорија: ЕКОНОМИЈА

ТАВ Македонија најавува дека германската нискобуџетна авиокомпанија Eurowings, дел од  групацијата Lufthansa, ќе почне да лета на релација Скопје-Минхен од 31-ви Октомври 2017-та, поврзувајќи ги патниците од аеродромот „Александар Велики“ во Скопје до аеродромот „Франц Јозеф Штраус“ во Минхен – главниот аеродром во овој германски град. 

Авиокомпанијата ќе оперира на оваа линија два пати неделно во вторник и петок со воздухоплов од типот Airbus A320-200, со капацитет од 174 седишта. Како што информираат од Eurowings, продажбата на билети за дестинацијата Скопје – Минхен почна на 15-ти март и е отворена на интернет, на веб-страницата на авиокомпанијата: www.eurowings.com.

„На наше големо задоволство денеска објавуваме отворање на уште една нова рута  од  аеродромот „Александар Велики“’ во Скопје, а истовремено и влез на уште една нискобуџетна авиокомпанија на македонскиот пазар. Eurowings ќе почне со летови на линијата Скопје – Минхен од 31-ви октомври оваа година обезбедувајќи им на патниците директна врска со главниот аеродром во Минхен. Македонските граѓани и сите наши патници од регионот ќе добијат дополнителна врска со овој германски град, како и нови можности за европски и интерконтинентални конекции, благодарение на кодшер договорот меѓу Луфтханза и компанијата-ќерка Eurowings. Оваа линија е директен доказ за успешното завршување на преговорите кои ги имавме со авиокомпанијата во изминатиот период и се надеваме дека ова е само почеток на нашата успешна соработка како и на инвестициите на Eurowings во Македонија“, изјави Алп Ер Тунга Ерсој, генерален директор на ТАВ Македонија.

Минатиот месец аеродромскиот оператор по состанокот со претставниците на Eurowings, најави можност за воведување на нови авиолинии од Скопје до Германија, објаснувајќи дека е во процес на преговори со авиокомпанијата, и нагласувајќи дека ТАВ Македонија константно презема слични маркетиншки активности и има состаноци и преговори со авиокомпании и тур-оператори. Директен резултат на ваквите и слични активности, се новите летови кои ќе почнат оваа летна сезона од Охрид до полските градови Варшава и Катовице, како и влезот на најголемиот европски тур-оператор Томас Кук на македонскиот пазар, што се случи минатата 2016 година, благодарение на ТАВ, кога почнаа летовите на релација Брисел-Охрид.

„Со задоволство ја најавуваме нашата прва дестинација во Македонија – Скопје, и новата линија до Минхен. Оваа нова линија од Скопје до Минхен ќе оперира два пати неделно, секој вторник и секој петок, почнувајќи од 31-ви oктомври годинава. Скопје ќе стане една од нашите 150 дестинации, и очекуваме да инвестираме повеќе во Македонија и во регионот во иднина“, изјави Иван Ореч, директор за развој на мрежата на линии на Eurowings.

Eurowings со седиште во Келн е дел од групацијата Луфтханза и се смета за нискобуџетна авиокомпанија. Лета до повеќе од 150 дестинации во над 40 земји во Европа, а позната е по добрата мрежа на рути до атрактивни туристички локации за одморање. Нивните авиони сообраќаат и во повеќе земји од регионот, како Албанија, Бугарија, Хрватска, Србија, Косово, Црна Гора, Србија, Турција.

ТАВ Македонија ги заврши првите два месеци од 2017 годија со зголемување на бројот на патници од 9 отсто, достигнувајќи 238.180 патници на двата македонски аеродрома – „Александар Велики“ во Скопје и „Свети Апостол Павле“ во Охрид. Минатата 2016 година ја заврши со 1,8 милион патници на двата аеродрома, при што порастот на годишно ниво е 15 проценти, додека истовремено бројот на летови беше 16.883, со зголемување од 8,9 отсто.

КОМЕНТАРИ

НАЈНОВО ОД КАТЕГОРИЈАТА

  • Постарото население во Европа ќе ги ограничи активностите на ЕЦБ

    Постарото население во Европа ќе ги ограничи активностите на ЕЦБ

    Се поголемиот број на постаро население во Европа ќе ги ограничи политиките на Европската централна банка (ЕЦБ). Тоа е запишано во анализа на централната банка…

  • Во Грција уапсен “мозокот” на мрежата за перење пари преку виртуелната валута “Биткоин”

    Во Грција уапсен “мозокот” на мрежата за перење пари преку виртуелната валута “Биткоин”

    Во Грција, полицијата уапси еден руски државјанин под обвинение дека е „мозокот“ на мрежата за перење пари со помош на виртуелната валута биткоин, преку која…

  • Двајца починати од тешка заразна болест, дали треба да стравуваме од ширење на вирусот?

    Двајца починати од тешка заразна болест, дали треба да стравуваме од ширење на вирусот?

    Двајца мажи од Гостиварско починале од тешка заразна болест на Инфективната клиника во Скопје. Станува збор лица што се во крвно сродство, но засега од…

  • АМСМ: Зголемен интензитетот на сообраќај надвор од градовите

    АМСМ: Зголемен интензитетот на сообраќај надвор од градовите

    Сообраќајот на државните патишта се одвива пo суви коловози. Интензитетот на сообраќајот на патните правци надвор од градските средини е зголемен. На граничните премини нема…

  • Променливо облачно со сончеви периоди

    Променливо облачно со сончеви периоди

    Попладне ќе има услови за локални краткотрајни врнежи oд дожд и појава на грмежи, особено во северните и западните делови. Ќе дува умерен до засилен…

  • Новите дизел и бензински возила ќе бидат забранети во Британија од 2040 година

    Новите дизел и бензински возила ќе бидат забранети во Британија од 2040 година

    Новите дизел и бензински возила ќе бидат забранети во Велика Британија од 2040 година во обид земјата да се справи со загадувањето на воздухот, објави…

  • Кина ќе ги претвори сите гигантски државни компании во акционерски

    Кина ќе ги претвори сите гигантски државни компании во акционерски

    Сите големи кинески компании во сопственост на владата, ќе бидат регистрирани како друштва со ограничена одговорност или акционерски компании до крајот на годината во обид…

  • Која телевизија е најпрофитабилна и најгледана во Македонија?

    Која телевизија е најпрофитабилна и најгледана во Македонија?

    Агенцијата за аудио и аудиовизуелни медиумски услуги ја изработи Анализата на пазарот на аудио и аудиовизуелни медиумски услуги за 2016 година. Во оваа анализа се…

  • Британската економија се претставува слабо и во вториот квартал

    Британската економија се претставува слабо и во вториот квартал

    Економијата на Велика Британија продолжува да се презентира слабо, иако растот се забрзува благо во вториот квартал за 0,3% на квартална основа. Во периодот јануари-март…

  • За констатирана незаконитост да нема забрана за вршење дејност во деловната просторија во траење од 15 дена

    За констатирана незаконитост да нема забрана за вршење дејност во деловната просторија во траење од 15 дена

    Пратениците од владејачкото мнозинство во Собранието предлагаат измени на Законот за изменувањето на Законот за регистрирање на готовинските плаќања по скратена постапка, со кое се…