Сигурно имате колега или колешка на работа за кои сите мислат дека се добри. Колку пати ќе слушнете дека некој ги пофалил. Тие работат добро и се покажуваат добро во својата работа, и вие како и сите други мислите дека тие изградиле добра бизнис кариера или добра репутација.
Не мора ни вие да бидете исклучок. Можете и вие да изградите добра деловна репутација.
Без разлика на тоа каков вид на работа имате, вие треба да имате изградено репутација која ќе ви помогне за вашата идна работа. Сакате сите да соработуваат со вас и постојано да добивате пофалби? Запомнете го ова…
Добра репутација не може да изградите преку ноќ. За тоа, ви е потребно време. Но на крајот кога вашиот труд и работа ќе се исплати, ќе видите дека за тоа вредело да се борите. За добра репутација потребно е постојано да зборувате за нешто, да го поткрепувате тоа со аргументи и да се обидете што повеќе да напредувате.
За да изградите добра бизнис репутација, потребно ви е многу време, и само една мала грешка може да ја уништи. Пред се на работното место мора да доаѓате со позитивна енергија за повеќето луѓе да ве гледаат позитивно. Ако ви се случи случајно да направите грешка, никој на тоа нема да гледа како на грешка, тука само како на случајност.
Ако сте лоши во работата, таа вест многу брзо се шири, но ако сте добри малку е веројатно таа вест да дојде брзо до ушите на другите. Затоа, треба да се обидете да ги натерате луѓето да ве слушаат. Не само оние кои се блиску до вас, туку и пошироко. Вашата работа работете ја како што треба, и трудете се со сите сили, бидејќи ако направите нешто погрешно, тоа многу брзо ќе се дознае надвор, а потоа последиците може да бидат фатални.
Ако правите некои лоши работи тоа направете го далеку од очите на другите луѓе, за да не мора подоцна да се справувате со проблеми за постигнување на вашите цели. Некои работи треба да ги задржите само за себе, имајте добар, пријателски и професионален однос со околината и соработниците и градете ја вашата репутација секојдневно.
