Компанијата „Scuderia Cameron Glickenhaus“ (SCG), која припаѓа на американскиот милионер и режисер Џејмс Гликенхаус ја претстави на автосаемот во Женева „граѓанската“ верзија на тркачкото купе „003“, која се нарекува „003S“.
Суперавтомобилот треба да го подобри рекордот за најбрза обиколка на патеката „Нирбургринг“ од сериски автомобил. Сегашното најдобро достигнување му припаѓа на „Lamborghini Huracan Performante“ – 6 минути и 52,01 секунди, но во „SCG“ веруваат дека нивниот автомобил ќе се соочи за 6 минути и 30 секунди.
Самата „SCG 003S“ е опремена со 4,4-литарски битурбо V8 мотор. Неговата моќност е 800 КС и 850 Nm вртежен момент. Моторот се комбинира со 7-степен секвенцијален менувач. Тоа овозможува забрзување од 0 до 100 км/ч за 3 секунди и развивање на брзина од 349 км/ч.
Во основата на моделот лежи карбонски монокок, а благодарение на користењето на овој материјал во каросеријата, тежината на возилото не надминува 1360 килограми. При брзина од 250 км/ч аеродинамичките елементи генерира потисна сила еднаква на 703 килограми.
Засега не е јасно кога ќе стартува продажбата на возилото и колку ќе чини тоа. За производството на „SCG 003S“ ќе биде ангажирана италијанската компанија „Manifattura Automobili Torino“.