Компанијата „LG“ започна да ги прима порачките за својот „HDTV“ со конкавен „OLED“ екран. Испораката за купувачите на корејскиот пазар ќе започне за еден месец.
Моделот 55EA9800 е телевизор со екран од 55-инчи. Слично како и на платното „IMAX“, екранот на овој телевизор ќе биде конкавен и на гледачите ќе им пружи потполнпо задоволство при гледањето на содржините. Дебелината на екранот изнесува само 4.3 мм, а целиот уред тежи 17 килограми. Малопродажната цена за корејскиот пазар изнесува 13.500 долари. Податоците за цената и датумот на пласирање на останатите пазари ќе бидат објавени во следните месеци.
Телевизорите со „OLED“ екраните се уште се многу ретки, а воедно и релативно скапи. Телевизорот на „LG“ со рамен екран и 55-инчи беше најавен во јануари минатата година, а продажбата започа дури по 14 месеци. Малопродажната цена на овој модел во Кореа изнесува 9.900 долари.
