Агенцијата за анализи и истражувања „J.D. Power“ ги објави резултатите од своето истражување за најсигурните автомобили на возраст до 3 години на американскиот пазар. Тоа е направено врз основа на бројот на проблемите со кои се соочија нивните сопственици во последните 12 месеци.
Излегува дека најчестите проблеми кај ваквите автомобили се при обидите за поврзување преку „Bluetooth“, како и при работата на системот за навигација. Сослушани се вкупно 35.186 сопственици на 224 различни модели достапни на пазарот во САД.
Лидери во рангирањето за 2016-та година се „Lexus“ и „Porsche“, при што сопствениците се изјасниле за 110 претензии за работата на различните системи. Просечниот број за индустријата како целина е 156. На третата позиција е „Toyota“ со 123, следат „Buick“ со 126, Mercedes-Benz со 131 и други. Најлошо се претставуваат „Infiniti“, „Jeep“ и „Fiat“, а последната од овие марки постави антирекорд со близу 300 претензии на сопствениците.
Во различните сегменти лидер е „Toyota“, која има 6 први места од вкупно 18 класи на автомобили. Како ги додадеме и 4-те први места на „Lexus“, јасно се гледа огромната предност на автомобилите на јапонскиот производител. Тоа се потврдува и од фактот дека токму „Toyota Camry“ (на сликата) е беспрекорно возило до 3 години во САД.
Рангирањето по класи:
Урбани модели – Chevrolet Sonic
Компактни модели – Toyota Prius
Средноразмерни модели – Toyota Camry
Големи модели – Toyota Avalon
Мали SUV – Volkswagen Tiguan
Компактни SUV – Toyota FJ Cruiser
Средноразмерни SUV – Toyota Venza
Големи SUV – Chevrolet Tahoe
Компактни SUV (премиум-класа) – Mercedes-Benz GLK
Средноразмерни SUV (премиум-класа) – Lexus RX
Компактни модели (премиум-класс) – Lexus ES
Средноразмерни модели (премиум-класа) – Lexus GS
Средноразмерни спортски автомобили – Chevrolet Camaro
Средноразмерни пикапи – Honda Ridgeline
Големи „лесни“ пикапи – Ford F-150
Големи „тешки“ пикапи – Chevrolet Silverado HD
Компактни миниванови – Toyota Prius V
Миниванови – Toyota Sienna