Европската комисија предложи да се казни Австрија со 29,8 милиони евра поради доставување на лажни податоци за долгот на провинцијата Салзбург во периодот од 2008 до 2013 година, пренесува агенцијата Ројтерс.
Австрија така стана втора земја во ЕУ за која е предложена казна поради доставување на неточни статистички податоци, откако во 2015 година беше предложено да се казни и Шпанија поради истата причина.
Брисел тогаш предложи казна за Шпанија во износ од 18,93 милиони евра поради манипулација со статистичките податоци од автономната покраина Валенсија.
