„Huawei“ официјално го претстави новиот паметен телефон, моделот „Honor V9“.
Новиот уред се истакнува со дебелината од 6,97 милиметри и „Kirin 960“ чипот кој се состои од четири „Cortex-A73“ и четири „Cortex-A53“ јадра, кои работат на максимален такт од 2,3 GHz, како и „Mali-G71“ графика.
Тука е уште и 5,7-инчниот „LCD“ екран со резолуција од 2560 x 1440 пиксели, 4 односно 6 GB RAM, како и 64 и 128 GB интерна меморија (во зависност од моделот). Батеријата има капацитет од 4000 mAh и покрај споменатата дебелина на уредот.
На задната страна на уредот се ноаѓа и веќе практичниот читач за отпечатоци на прстите, но и двојна 12-мегапикселна камера (едната леќа нема „Бајеров“ филтер), со двоен „LED“ блиц, со отвор од f/2.2, ласерски автофокус и можност за снимање на „3D“ фотографии. За селфи фотографии на располагање е 8-мегапикселна камера.
Oперативниот систем е „Android 7.0 Nougat“ во комбинација со интерфејсот „EMUI 5.0“. Верзијата со 4 GB RAM и 64 GB интерна меморија во Кина ќе се продава по цена од околу 413 евра, додека моделот со 6 GB RAM и 128 GB интерна меморија ќе чини околу 482 евра.
На официјалното претставување е прикажан „Honor V9“ во црвена боја, а истиот уред ќе биде достапен во златна, црна и сина боја. Иако во Кина, каде неговата продажба ќе започне на 28-ми февруари, познат под името „Honor V9“, на одредени светски пазари ќе се појави под името „Honor 8 Pro“.
