Покрај редизајнот кој е извршен по примерот на другите верзии од семејството на „Golf“ моделот, „Volkswagen“ ги подобри и техничките карактеристики и перформанси на „e-Golf“.
Намето погонската батерија со капацитет од 24,2 kWh, вградена е поголема од 35,8 kWh. Благодарејќи на тоа, e-Golf ја зголеми автономијата на возење која според „NEDC“ стандардот сега изнесува 300 km.
Со оглед дека проценките кои ги објавува „NEDC“ обично се малку пооптимистички затоа што се однесуваат за идеални услови во сообраќајот, се очекува дека електричниот „Golf“ во реални услови на возење без проблеми може да помине околу 200 km пред да се испразнат батериите.
„E-Golf“ сега стандардно е опремен со нов, „Discover Pro“ мултимедијален систем со 9,2 инчен екран. Овој систем меѓу останатото поддржува и команди со гестови.
Покрај тоа, „VW“ ги подобри и содржините кои се однесуваат на безбедноста во возењето. Електричниот „Golf“ е опремен со широк спектар на системи за асистенција, како што се „Front Assist“, „City Emergency Braking“ и „Pedestrian Monitoring“.
Во споредба со верзијата пред редизајнот, електромоторот добива дополнителни 20 коњнски сили, па сега испорачува 136 ks (100 kW), a aвтомобилот од 0 дo 100 km/h забрзува за 9,6 секунди.
„E-Golf“ во Германија ќе се продава по цена од 35.900 eвра.