Партијата на екстремнодесничарскиот кандидат за претседател на Франција, Марин Ле Пен доби средства од руска банка и се одразуваат доста позитивно во државните руски медиуми. Дали тоа значи дека Кремљ навистина сака таа да биде избрана? Не е задолжително, коментира „Bloomberg“.
Ветувањето на Ле Пен да ја извади Франција од еврозоната – што може да ја подели европската единствена валута, може да ја уништи и економијата и финансиската стабилност на Русија.
Странски девизни резерви
Русија држи речиси 40% од странските девизни резерви во евра. Претседателот Владимир Путин изјави во септември во интервју за „Bloomberg“ дека тоа значи дека неговата земја „не е заинтересирана за колапс на еврозоната“.
Инвестиции во еврозоната
Русија инвестира и десетици милијарди евра во Европа во различни сектори – од телекомуникации до енергетика и услуги. Дел од овие инвестиции вклучуваат како телекомуникациска компанија од 22 милијарди евра, сопственост на инвестициската компанија „LetterOne“ на Михаил Фридман, како и удел од 1,7 милијарди евра во најголемиот туристички оператор во Европа „Tui“.
Трговски партнери
28-члената Европска унија продолжува да биде најголемиот трговски партнер на Русија и покрај намалувањето на трговијата во последниве години како резултат на најдолгата рецесија во Русија по повеќе од две децении и санкциите наметнати поради мешањето во Украинскиот конфликт. Извозот на Русија кон еврозоната е во вредност од 91 милијарди долари и е речиси 4 пати поголем од оној на Кина и речиси 11 пати поголем од рускиот увоз во САД.
Странски инвестиции
Русија смета на 19-члената еврозона за 70% од директните странски инвестиции, предводени од влезните протоци од Кипар, Луксембург и Холандија, кои се проводници на руски пари.
Русија очигледно е заинтересирана за зајакнување на поддршката за кандидатурата на поранешниот премиер Франсоа Фијон, но трпи негативни критики од скандалот околу државната позиција на сопругата. Неговиот конкурент Емануел Макрон оваа недела ја обвини Русија за интервенција на француските избори, претставувајќи лажни вести преку медиумите.
