Австрија има намера во текот на нередните недели да им овозможи на членките на Европската унија пристап до информациите за банкарските сметки на странците во австриските банки, изјави канцеларот Вернер Фејман.
Фејман изјави дека се надева на договор пред самитот на ЕУ на 22 мај, на кој ќе разговараат за начините за борба против даночното затајување кое членките на Унијата ги чини околу една милијарда евра годишно. Лидерите на ЕУ бараа од Австрија договорот да се постигне пред самитот, пренесувааат странските медиуми.
„Ние сакаме да постигнеме резултати во размената на податоци од интерес на борбата против измама во Европа“, изјави Фејман.
„Најголемата економска штета би била ако стекнеме репутација дека ја штитиме измамата“.
Австрија, последната даночна оаза на банкарските тајни во ЕУ, во петок објави дека е подготвена за разговорите ако се зачува тајната за Австријците.
Граѓаните на ЕУ во австриските банки чуваат околу 35 милијарди евра, една десетина од вкупниот износ на депозити во Австрија.