За намерите на „BMW“ да го тргне покривот на својот хибриден спортски модел „i8“, се знае одамна. Концептниот „i8 Spyder“ беше претставен уште во пролетта 2012-та година на автосаемот во Пекинг, а една година подоцна раководството на баварците даде „зелено светло“ за пуштање на возилото во сериско производство.
„BMW i8“ со тврд покрив се појави на пазарот во средината на 2014-та година и се очекуваше роудстерот да излезе најмногу една година подоцна. Тоа, сепак и не се случи, а во почетокот на 2016-та година баварците одлучија да ја „загрее“ публиката, откако го претставија беспилотниот концепт „I Vision Future Interaction“.
Тогаш беше најавено официјално дека серискиот роудстер ќе излезе во 2018-та година и очигледно во „BMW“ ќе го исполнат ова ветување. Слика на тест прототипот на возилото се појави во изданието „Motor1“, а беа откриени и нови интересни детали за него.
Интересно е дека од „BMW“ моделот кој е предмет на тестирање не го нарекуваат „i8 Spyder“, како што се викаше концепт од 2012-та година, туку „i8 Roadster“. При излегувањето на пазарот машината нема да го добие агрегатот на постоечкиот модел, туку неговата нова и моќна верзија која ќе дебитира подоцна во оваа година.
Се очекува моќноста на хибридниот систем, во која влегуваат 1,5-литарски бензински мотор и електромоторот „eDrive“ да биде зголемена за 15 КС и така да достигне 377 КС. Капацитетот на батериите исто така ќе се зголеми од 7,1 на 10 kW / h. Истиот акумулатор се користи од „BMW i8“, кој служи за автомобилот за безбедност во шампионатот Формула Е. Од оваа машина ќе биде превземена и суспензијата.
