„Facebook“ ќе пушти апликација која ќе им овозможува на корисниците да гледаат видео содржини од платформата на телевизија, пишува „ВВС“.
Ова може да и помогне на социјалната мрежа да се натпреварува подобро со „You Tube“ и традиционалните телевизиски канали за приходите од реклами. Сопствениците на „Apple TV“, „Fire TV“ на „Amazon“ и „Smart TV“ на „Samsung“ ќе можат да гледаат генерирани видео содржини од „Facebook“ директно на телевизискиот екран.
Пораката одговара на се поголемиот фокус на „Facebook“ врз видео содржината. Во последно време компанијата плаќа за создавање на ексклузивни видео содржини и силно го рекламира „Facebook Live“, кое им овозможува на корисниците да емитуваат настани во живо.
Според социјалната мрежа апликацијата ќе биде пуштена наскоро. Единствениот канал, на кој „Facebook“ не доминираше досега беше најупотребуваниот уред во домот. Одлуката на компанијата да создаде ТВ апликации се очекува веќе некое време, е првиот значаен чекор кој компанијата го направи е за да предизвика компании како „Netflix“ и „Hulu“.
За да го стори тоа, таа ќе мора да нуди програми кои се со далеку повисок квалитет од постоечките во моментов на „Facebook“. Ова ќе бара големи инвестиции за привлекување на врвни таленти, кои ќе прават видеа наменети само за „Facebook“.
Пораката на социјалната мрежа беше направена во ред со уште голем број на вести за видео содржините на компанијата. Сега видеото ќе стартува автоматски со звук во протокот на вести и ќе се емитува на цел екран, дури и ако се вертикални.
