Европската комисија денеска соопшти дека средствата наменети за Кипар, во висина од 21 милион евра, ќе ги пренасочи на проекти кои треба да го поттикнат растот во медитеранската земја.
– Со оваа одлука средствата ќе бидат пренасочени на области кои веројатно ќе имаат поголемо влијание на растот и отворање на нови работни места во краток рок. Со тоа ќе им се пружи поддршка на малите и средни фирми и ќе се помогне во вработувањето на младите. Додека, 10 милиони евра ќе бидат пренасочени на проекти за заживување на урбаните и руралните области, се наведува во соопштението на ЕК.
Одлуката за пренасочување на средствата е последица од влошувањето на кипарската економија во последните неколку месеци.