Иако на прв поглед ова ќе ви делува како премногу едноставно и бескорисно, жените кои ја практикуваат оваа навика тврдат дека многу им помага. Се работи за пиење на чаша вода, наутро, пред појадокот, кафето и цигарите, без разлика дали се работи за топла или ладна вода, со додаток на лимон или без.
Нутриционистите објаснуваат дека водата ја отстранува дехидрираноста од претходната ноќ, за разлика од утринското кафе. Всушност, водата навистина ќе го разбуди вашиот организам.
„Еден од најголемите показатели на замор и тромавост е токму дехидрираноста. Водата помага во регулирањето на телесните и функциите на мозокот, а таа е и тесно поврзана со подобрувањето на расположението. Ледената вода во суштина „го шокира” телото, па може да ги подигне нивото на будност и ниското ниво на енергија“, потенцираат нутриционистите.
Исто така, водата има функција и да ја пренесува храната богата со јагленохидрати и протеини, која ја консумирате, низ телото. Тоа значи дека жедта би можеле да ја замените со глад, па ако не консумирате доволно количество на вода, тогаш дефинитивно ќе имате зголемен апетит.
