Грчката влада соопшти дека ќе ја поздрави одлуката Меѓународниот монетарен фонд да се повлече од програмата за кредитна помош за таа земја за излез од должничката криза.
Портпаролот на Владата, Димитрис Цанакопулос, го обвини ММФ за „бесмислени одложувања“ на преговорите за кредитот.
Цанакопулос изјави дека би бил „добар напредокот на Грција и Европа“ доколку ММФ го намали учеството.
ММФ учествуваше во две претходни програми за помош, но сеуште размислува дали ќе ја финансира третата програма, потпишана во 2015 година, чие спроведување се одложува поради несогласувањата околу идните мерки за штедење.
Грција се надева дека програмата за помош ќе ја обнови економијата и ќе и овозможи пристап до програмата на Европската централна банка за купување на обврзници, а подоцна и на меѓународните пазари.
